Kaizen.az - Wi-fi yoxsa Li-fi?

Wi-fi yoxsa Li-fi?


Bildiyimiz kimi, müasir dövrdə texnologiya daim yeniliklərlə dolu olur. İllərdir simsiz internet adı ilə istifadə etdiyimiz Wi-Fi dəyişir və 100 qat daha sürətli internet olan Li-Fi adlı sistemlə əvəz olunur.

Testlər nəticəsində əldə edilən səmərəliliyin göstəricisi, gələcəkdə Wi-fi'nin Li-Fi texnologiyası ilə əvəz ediləcəyini biruzə verir.

Bəs Li-Fi necə işləyir və üstünlükləri nədir?
Yeni internet bağlantısı texnologiyası kimi tanınan Li-Fi, radio dalğaları istifadə etmək əvəzinə görünən işıq spektrini istifadə edərək məlumatı ötürür. Bu metodla internetə giriş radio dalğaları ilə Wi-Fi əlaqələrindən 100 dəfə daha sürətli təmin edilir.

İlk test olaraq, Estoniyada bir ofisdə Li-Fi testi aparıldı. Bu test üçün standart bir LED lampaya bənzər bir işıq mənbəyi, internet bağlantısı və foto detektoru lazım oldu.

Artıq sınaq mərhələsini başa vuran və inkişaf prosesinə qədəm qoyan Li-Fi, Vellmenni meneceri Deepak Solanki tərəfindən edilən açıqlamada "üç il" içərisində tamamilə istifadə edilə biləcəyini bildirdi.
İlk dəfə Avropada və Yaxın Şərqdə istifadə edildiyi deyilən bu texnologiya, normal internet sürətindən qat-qat çox çıxış təmin etdiyi üçün insanların bu texnologiyaya tələbinin çox yüksək olacağı gözlənilir.
Li-Fi-nin ən böyük üstünlüyü, Wi-Fi texnologiyası kimi digər siqnallardan təsirlənmədən məlumatı ötürməsidir. Bu səbəbdən təyyarələr kimi siqnalların qarışacağı ehtimalı olan yerlərdə Li-Fi texnologiyası istifadə edilə bilər.

İllərdir məlumatların LED lampalar vasitəsilə ötürülə biləcəyi fikri var və indi Li-Fi sisteminin işləyən bir modeli yaradıldı. Ən son TED çıxışında, Haas, mağazadan alınan LED lampa vasitəsilə günəş batareyasından noutbukda videonu yükləyə bilən Li-Fi prototiplərindən birini nümayiş etdirdi.

Li-Fi ilə Wi-Fi -nin məqsədi eynidir, hər ikisi məlumatları ötürür yalnız kiçik bir fərq; burada radio siqnallarını istifadə etmək əvəzinə məlumatları simsiz ötürmək üçün LED işıqlardan istifadə edilir. Ənənəvi Wi-Fi, cihazlara məlumat ötürmək üçün radio siqnallarından istifadə edir.

0 Rəy

Şərh yazmaq üçün daxil olun