-
İstifadəçi adı:
Səma İsparova -
Ad Soyad:
Səma İsparova -
Məqalə sayı:
1
Dərc olunma tarixi
19.11.2021 Biznes DünyasıBaxış sayı
1334
Oxunma müddəti
2 dəq
Ağıl və yaradıcılıqdan düzgün istifadə edilsə, problemləri daha rahat şəkildə həll etmək mümkün olar və bu vərdiş uğurun başlanğıcına çevrilə bilər. Bir çox şirkətlərin və rəhbər şəxslərin problemli vəziyyətlərlə qarşılaşdıqdan sonra necə uğur qazandığı bir çoxumuza məlumdur. Bu kimi problemlərin olması hadisələrə fərqli aspektdən baxılmasına kömək edib, həmçinin dövrümüzdə baş vermiş bir sıra uğur hekayələrinin yaranmasına səbəb olub.
Əsas məsələyə keçid etsək, statistika göstərir ki, bütün dünyada ən çox istifadə olunan qida vasitələrindən biri də Nutelladır. Yaşından asılı olmayaraq, Azərbaycanda da həddindən çox istehlakçısı olan Nutellanın yaranma tarixi də çox maraqlıdır. Hələ XIX əsrdə Napoleon Avropanı istila edərkən Şimali İtaliyaya gedən kakao ticarət yolları bağlanmışdı və bu da Şimali İtaliyada şokolad fabriklərinin vəziyyətinin gündən-günə pisləşməsinə gətirib çıxarmışdı. İstehsalçılar ya bu işdən imtina edib şokaladın emalını dayandıracaq, ya da yeni bir çıxış yolu tapacaqdılar. Elə bu məsələnin aktual olduğu bir zamanda bir şokolad istehsalçısı istehsal etdiyi şokolad parçasına bir qədər fındıq tozu əlavə etdi; bu yeni tapıntı da insanların marağına səbəb oldu. Vaxt keçdikcə bir çox şokolad istehsalçıları bu metoddan istifadə etməyə başladı və “Gianduja” adlı şokolad növü yarandı. Napoleon rejimi bitdikdən sonra belə bu şokolad növü alıcılar tərəfindən ən çox tələb edilən məhsullardan biri olaraq qalmağa davam etdi.
İkinci dünya müharibəsindən sonra baş verən ərzaq və kakao qıtlığı Pietro Ferreronu düşündürürdü və o ailəsinin uzun müddətdir ki, istifadə etdiyi “Gianduja” reseptini diqqətli şəkildə gözdən keçirməyə başladı. Ferrero 1951-ci ildə çörəyin, kruvasanların üzərinə çəkə biləcəyimiz şokolad reseptini yaratdı. Bu şokoladın dadının fərqi bunda idi ki, digərlərindən fərqli olaraq onun hazırlanmasında fındıq tozu çox, kakao isə az miqdarda istifadə olunurdu. Ferrero məhsula ilk olaraq “SuperCrema” adını versə də, reseptdə çatışmazlıq mövcud idi. Beləliklə, 1964-cü ildə isə oğlu ilə birlikdə “Nutella”nı bir çox yeniliklərlə alıcılara təqdim etdi.
Ümumiyyətlə, bu hekayə həyatda çətinliklərlə mübarizə aparmağın necə böyük uğurlara gətirib çıxardığını bir daha təsdiqləyir. Ölkəmizdə və dünyada həddindən çox alıcısı olan bu şokoladların hətta 5 Fevral Beynəlxalq Nutella Günü adlı bayramı belə var.
İstifadəçi adı:
Səma İsparovaAd Soyad:
Səma İsparovaMəqalə sayı:
1
15.11.2021
Biznes Dünyası
11.01.2021
Biznes Dünyası
11.03.2021
Biznes Dünyası
