employment.az employment.az

Dərc olunma tarixi

22.01.2023 Biznes Dünyası

Baxış sayı

eye 1401

Oxunma müddəti

clock 8 dəq

İnternetdən qazanc əldə etməyin yolları

Blog yazmaqla internetdən gəlir əldə etmək

Sizə maraqlı gələn, ya da məlumatlı olduğunuz bir mövzuda məqalələr yazıb bloq səhifənizdə paylaşa bilərsiniz. Beləliklə, bloqunuz maraq cəlb etdiyi təqdirdə onlayn gəlir əldə etməyə başlaya bilərsiniz. Ancaq unutmamalısınız ki, bu uzun və səbr tələb edən bir işdir. Qələminizə və yaradıcılığınıza güvənirsizsə, bu uzun yola hazırsınız deməkdir.

 

E-ticarət səhifəsi açaraq internetdən gəlir əldə etmək

Elektron ticarət hər zaman həyatımızda olsa da, pandemiyadan sonra böyük üstünlük qazandı və önümüzdəki günlərdə də bu üstünlük azalmayacaq kimi görünür.

Xüsusilə, çox sadə interfeysə malik və hər kəsin rahatlıqla istifadə edə biləcəyi WordPress kimi veb sayt qurucuları olduqda, e-ticarət sahəsinə addım atmaq və internetdən pul qazanmaq olduqca asanlaşır.

 

E-ticarət əsas olaraq 2 yerə ayrılır:

  • Özünüz istehsal etdiyiniz hər hansı bir məhsulu internet üzərindən satışa qoymaq
  • Aliexpress, Amazon kimi beynəlxalq alış-veriş saytlarından toplu olaraq alış-veriş etdikdən sonra üzərinə qazanc payı qoyaraq satışı hədəfləmək

 

Online dərs verərək internetdən gəlir əldə etmək

Müəyyən bir mövzuda biliklərinizə güvənirsizsə, bu bilikləri internet mühitində pula dönüşdürə bilərsiniz. Günümüzdə getdikcə populyarlaşan online kurslar üçün sadəcə internet bağlantısı yetərlidir.

Online dərs verə biləcəyiniz bəzi platformalar:

  • Udemy
  • İienstitü
  • Campus online

 

Online dərs tədris edə biləcəyiniz mövzular:

  • Fərdi inkişaf
  • Kodlaşdırma
  • Fotoqrafiya
  • Diksiya
  • Marketinq
  • Xarici dil və s.

 

Tərcümə edərək internetdən gəlir əldə etmək

Bir və ya birdən çox xarici dil bilirsinizsə, bu seçim tam sizlikdir. Dünyanın dörd bir tərəfinə tərcümə xidməti göstərə bilər, çalışdığınız insanların geridönüşlərindən ibarət bir sayt yaradıb öz reklamınızı edərək işlərinizi böyüdə bilərsiniz. Beləliklə, daha çox insana çataraq internetdən daha çox gəlir əldə edə bilərsiniz.

Online tərcümə edərək gəlir əldə edə biləcəyiniz bəzi saytlar:

  • upwork.com
  • fiverr.com
  • freelancer.com
  • guru.com
  • speakt.com

 

Podcast hazırlayaraq internetdən gəlir əldə etmək

Günümüzdə getdikcə populyarlaşan podcast, istifadəçilər tərəfindən böyük maraqla qarşılanır. Bir məzmun yaratmaq, lakin video çəkmək və ya yazı yazmaq istəmirsinizsə, podcast hazırlamaq tam sizlikdir. Maraqlandığınız və ya məlumatlı olduğunuz hər hansı bir mövzuda səsli məzmun yaradaraq minlərlə insana çatmağınız mümkündür. Dinləyici kütləniz böyüdükcə danışdığınız mövzu ilə bağlı məhsul və ya xidmət sata bilər, uyğun sahədə reklam verərək gəlir əldə edə bilərsiniz.

Podcast hazırlayaraq gəlir əldə edə biləcəyiniz bəzi tətbiqlər:

  • Captivate
  • Buzzsprout
  • Castos
  • Transistor.fm
  • Podbean

 

Fotoşəkil çəkərək internetdən gəlir əldə etmək

Professional fotoqraf ola bilər ya da sadəcə şəkil çəkməyi sevə bilərsiniz. Baxış bucağınıza güvənirsizsə, baxmaqla qalmayıb həm də görə bilirsinizsə, bu bacarığınızı pula çevirə bilərsiniz. Günümüzdə bir çox fotoqraf portfolio yaradaraq internet üzərindən satışa çıxardığı şəkilləri sataraq gəlir əldə edir.

Online fotoşəkil satışı üçün məşhur saytlar:

  • Shutterstock
  • Alamy
  • Fotolia
  • iStockPhoto

 

Kitab səsləndirərək internetdən gəlir əldə etmək

Həm oxumağı sevir, həm də səsinizi bu sahədə dəyərləndirmək istəyirsinizsə, getdikcə daha çox kütləyə çatan səsli kitab dünyasında özünüzə asanlıqla yer tapa bilərsiniz. Texnologiya inkişaf etdikcə insanların meyli də buna uyğun olaraq dəyişir. Buna nümunə olaraq kitab oxuma vərdişini göstərmək olar. Hərkəs eyni fikirdə olmasa da oxumaq yerinə dinləməyi üstün tutan böyük bir kütlə var və hər keçən gün bu say artmaqda davam edir.

Məşhur səsli kitab platformalarından bəziləri:

  • Storytel
  • Kitapyurdu
  • Audioteka
  • Seskit

Eyni zamanda youtube kanalı açaraq kitab səsləndirmələri paylaşa və ya bunu edən kanallara müraciət edərək kitab səsləndirməsi edə bilərsiniz.

 

Yuxarıda da qeyd olunduğu kimi internetdən gəlir əldə etməyin bir sıra alternativi mövcuddur. Bu gəlir əldə etmə yollarından hansını seçəcəyiniz sizin maraq dairənizdən, vaxtınızdan, bacarıqlarınızdan və özünüzü hansı sahədə inkişaf etdirmək istədiyinizdən asılıdır.

 

Ümid edirəm, bu blog yazım sizə ilham ola bilmiş və hədəflərinizə gedən yolda sizə kömək etmişdir.

Uğurlar!

heart save

Gülnar Camaşirinzadə

20.09.2023

Faydalı məlumatlar üçün təşəkkürlər!

Yazar
  • İstifadəçi adı:

    Nergiz
  • Ad Soyad:

    Nərgiz Zeynallı
  • Məqalə sayı:

    1

Əlaqəli məqalələr

paper-1-img
Wi-fi yoxsa Li-fi?

15.11.2021

Biznes Dünyası

İllərdir simsiz internet adı ilə istifadə etdiyimiz Wi-Fi dəyişir və 100 qat daha sürətli internet olan Li-Fi adlı sistemlə əvəz olunur.

paper-1-img
Gələcəkdən Xəbər Var!

11.01.2021

Biznes Dünyası

1997-ci ildə qurulan qlobal bir kiber təhlükəsizlik şirkəti olan Kaspersky, bəşəriyyətin gələcəyə dair ən vacib suallarını daha yaxşı cavablandırmağa çalışmaq üçün "Təhlükəsiz Sabah" (Safer Tomorrow) platformasını işə saldı.

paper-1-img
Spotify Azərbaycana Gəlir

11.03.2021

Biznes Dünyası

Spotify, bir neçə gün ərzində Asiya, Afrika, Karib adaları, Latın Amerikası və Avropa daxilində 80-dən çox yeni bazarda fəaliyyət göstərəcəyini bildirdi.