Kaizen.az - Fərdi İnkişaf Platforması

Kaizen/ Biznes Dünyası

Adidas və Kanye West əməkdaşlığının sonu. Nə baş verdi?

Adidas dünya şöhrətli musiqi sənətçisi Kanye West ilə ortaq şəkildə istehsal etdiyi ayaqqabı kolleksiyasının gəlirini nə edəcəyini açıqlayıb. Antisemit olduğu iddia edilən məşhur reper Kanye Westlə əlaqələrini kəsən Adidas, sənətçinin Yeezy brendi ilə iş birliyi çərçivəsində hazırlanan ayaqqabılardan əldə etdiyi gəliri ianə etməyə qərar verib. Şirkət reperlə ortaq şəkildə hazırladığı ayaqqabıları satmaqda çətinlik çəkdiyi üçün bu qərarı qəbul edib.

Adidas-ın Kanye West ilə əməkdaşlığı ikonik və məhdud buraxılışlı ayaqqabı kolleksiyaları ilə diqqət çəkirdi. Lakin son vaxtlar Kanye Westin şəxsi hərəkətləri və açıqlamaları bəzi mübahisələrə səbəb oldu. Bu, Adidas-ın brend imici və dəyərlərinə dair bir sıra suallar doğurdu.

Kanye West ilə əməkdaşlığa dair bu müzakirələrə baxmayaraq, Adidas brendin sosial məsuliyyət yanaşmasını davam etdirmək əzmini nümayiş etdirmək üçün mühüm bir addım atdı. Adidas, Kanye West ilə ortaq şəkildə istehsal edilən ayaqqabı kolleksiyasından əldə olunan gəliri müxtəlif sosial layihələrə bağışlamaq qərarına gəldiyini açıqladı. Bu ianələr təhsilə, gənclərin inkişafına və cəmiyyətdə müsbət dəyişikliklərin yaradılmasına yönəlmiş sahələrə yönəldiləcək.

Rəhbər şəxslərdən bəziləri marka dəyərini qorumaq üçün ayaqqabıları yandırmağı təklif etsə də, bəziləri bunun çıxış yolu olmadığını söylədi.

“Atmaq çıxış yolu deyil”

Brend menecerlərindən olan Bjorn Gulden, ayaqqabıların məhv edilməsinin düzgün addım olmayacağını və ayaqqabıların bir şəkildə satılacağını və əldə edilən gəlirin bağışlanacağını söylədi. Gulden, "Məhsulları yandırmaq həll yolu deyil. Əlimizdə olan məhsulları satmağa və Westin açıqlamalarından zərər görən xeyriyyə təşkilatlarına bağışlamağa çalışacağıq" dedi.

1,2 milyard avro dəyərində itkiyə məruz qalan Adidas 31 illik tarixində ilk dəfə belə itki ilə üzləşib. Şirkət ilin ilk rübündə 350 min dollar itirdiklərini açıqladı.

The Washington Post yazır ki, Adidas hətta zərərə uğramamaq üçün ayaqqabıları yandırmağı da düşünüb. Los-Ancelesdə yerləşən Wedbush investisiya bankından Tom Nikic, Yeezy modellərinin Adidas üçün ildə 2 milyard dollar gəlir mənbəyi olduğuna diqqət çəkib.

Yazar

İstifadəçi adı:
kaizen
Ad Soyad:
Kaizen.az
Məqalə sayı:
146

Əlaqəli məqalələr

Wi-fi yoxsa Li-fi?

15.11.2021

Biznes Dünyası

İllərdir simsiz internet adı ilə istifadə etdiyimiz Wi-Fi dəyişir və 100 qat daha sürətli internet olan Li-Fi adlı sistemlə əvəz olunur.

Gələcəkdən Xəbər Var!

11.01.2021

Biznes Dünyası

1997-ci ildə qurulan qlobal bir kiber təhlükəsizlik şirkəti olan Kaspersky, bəşəriyyətin gələcəyə dair ən vacib suallarını daha yaxşı cavablandırmağa çalışmaq üçün "Təhlükəsiz Sabah" (Safer Tomorrow) platformasını işə saldı.

Spotify Azərbaycana Gəlir

11.03.2021

Biznes Dünyası

Spotify, bir neçə gün ərzində Asiya, Afrika, Karib adaları, Latın Amerikası və Avropa daxilində 80-dən çox yeni bazarda fəaliyyət göstərəcəyini bildirdi.