employment.az employment.az

Dərc olunma tarixi

07.07.2023 Biznes Dünyası

Baxış sayı

eye 623

Oxunma müddəti

clock 2 dəq

Mark İlonla “kəllə-kəlləyə”. Twitter yeni rəqibinə tab gətirə biləcəkmi?

“Meta” şirkətinin “Twitter”ə güclü alternativ olaraq istifadəçilərə təqdim etdiyi “Threads” qısa müddətdə böyük marağa səbəb olub."Threads" tətbiqi "Instagram" platformasının nəzdində yaradılıb və “Instagram” ilə inteqrasiya olunmuş şəkildə işləyəcək. 

 

Yeni sosial şəbəkənin işləmə məntiqi demək olar ki, "Twitter"in işləmə məntiqi ilə eynidir. "Meta" şirkəti  "Threads"in "Twitter"in analoqu olduğunu bildirib. Şirkətin rəhbəri Mark Zukerberqin sözlərinə görə, tətbiqdə ilk yeddi saat ərzində on milyon istifadəçi qeydiyyatdan keçib. Bu, istifadəçilərin yeni platformaya marağını açıq şəkildə göstərir. 

 

"Threads" "Twitter"ə bənzər bir çox xüsusiyyətlərə malikdir. 

 

Beləki, “Threads” istifadəçilərinə 500 simvol uzunluğunda mesajlar yerləşdirməyə imkan verəcəyini açıqlayıb. Bu o deməkdir ki, istifadəçilər “Twitter” ilə müqayisədə daha uzun və daha ətraflı mətnlər paylaşa biləcəklər. Həmçinin istifadəçilər 5 dəqiqəyə qədər olan foto və videolar, linklər paylaşa biləcəklər. 

 

 "Threads"in interfeysi də “Twitter”ə çox bənzəyir və "Meta" onu "Instagram"ın tamamlayıcısı kimi ərsəyə gətirərək “fikirləri ifadə etmək üçün müsbət və yaradıcı məkan” kimi təqdim edir.

 

İnsanlar bu platforma vasitəsilə on­ları maraqlandıran mövzular, trend hadisələr barəsində söhbət edəcək, məşhur şəxslər və digər istifadəçiləri izləyəcə biləcək, ünsiyyət qura bilə­cəklər. Həmçinin ideya və düşüncələ­rini paylaşacaq və yaxud şəxsi işlərini bu platformada tanıtdıra biləcəklər. 

 

Hazırda “Threads” xidmətinin istifadəyə verilməsi həm də "Tesla" və "SpaceX"in yaradıcısı İlon Maskın "Twitter" sosial şəbəkəsini almasından sonra  baş verən dəyişikliklərlə əlaqələndirilir. Qeyd etmək lazımdır ki, Maskın rəhbərliyi altında "Twitter" istifadəçiləri ödənişli kontent və limitlərin tətbiq edilməsi kimi müxtəlif mənfi hallarla üzləşib və sözügedən xidmətdən istifadəni dayandırıblar. “Threads” ilə yüz milyonlarla hesaba çatmağı hədəfləyən Zukerberq "Twitter"dən istifadəni dayandıranların diqqətini cəlb etmək niyyətindədir.

 

heart save
Yazar
  • İstifadəçi adı:

    kaizen
  • Ad Soyad:

    Kaizen.az
  • Məqalə sayı:

    113

Əlaqəli məqalələr

paper-1-img
Wi-fi yoxsa Li-fi?

15.11.2021

Biznes Dünyası

İllərdir simsiz internet adı ilə istifadə etdiyimiz Wi-Fi dəyişir və 100 qat daha sürətli internet olan Li-Fi adlı sistemlə əvəz olunur.

paper-1-img
Gələcəkdən Xəbər Var!

11.01.2021

Biznes Dünyası

1997-ci ildə qurulan qlobal bir kiber təhlükəsizlik şirkəti olan Kaspersky, bəşəriyyətin gələcəyə dair ən vacib suallarını daha yaxşı cavablandırmağa çalışmaq üçün "Təhlükəsiz Sabah" (Safer Tomorrow) platformasını işə saldı.

paper-1-img
Spotify Azərbaycana Gəlir

11.03.2021

Biznes Dünyası

Spotify, bir neçə gün ərzində Asiya, Afrika, Karib adaları, Latın Amerikası və Avropa daxilində 80-dən çox yeni bazarda fəaliyyət göstərəcəyini bildirdi.