Davos Dünya İqtisadi Forumundan əvvəl Britaniyanın qeyri-hökumət təşkilatı Oxfam bildirib ki, dünyanın ən zəngin beş iş adamının sərvəti 2020-ci ildən bəri 114 faiz artıb və buna uyğun olaraq beş milyard insan da yoxsullaşıb.

Oxfam hesab edir ki, dünya cəmi on il ərzində ilk trilyonerinə sahib ola bilər, yoxsulluğun aradan qaldırılması isə iki əsrdən çox vaxt aparacaq.

Dünyanın ən zəngin beş iş adamı 2020-ci ildən (saatda 14 milyon dollar) sərvətlərini iki dəfədən çox artıraraq 405 milyard dollardan 869 milyard dollara çıxarsa da, demək olar ki, beş milyard insan yoxsullaşıb.

O bildirib ki, "Mövcud tendensiyalar davam edərsə, on il ərzində dünyanın ilk trilyonçusu olacaq, lakin yoxsulluq daha 229 il ərzində aradan qaldırılmayacaq".

 

Oxfam-ın icraçı direktoru Amitabh Behar son 3 ildə şirkətlərin zənginləşməsinin və qlobal yoxsulluğun bu qədər artmasının səbəblərindən danışıb. "Korporasiyalar işçiləri sıxışdırmaqla, vergilərdən yayınmaqla, hökuməti özəlləşdirməklə və iqlimin çökməsinə təkan verməklə ultra varlı sahiblərə sonsuz sərvət ötürürlər. Lakin onlar həm də hakimiyyəti ötürməklə, demokratiya və hüquqlarımızı baltalayırlar" dedi.

Heç bir qurumun və ya fərdin iqtisadiyyatımız və həyatlarımız üzərində bu qədər gücə sahib olmamalı olduğunu deyən Behar, "Açığını desəm, heç kimin milyard dolları olmamalıdır" dedi.

Direktor bildirib ki, bütün dünyada insanlar təhlükəli və etibarı olmayan işlərdə, çox vaxt minimum əmək haqqı üçün daha uzun  saatlar işləyirlər.

"800 milyona yaxın işçinin maaşı inflyasiyaya uyğunlaşa bilmir və onlar son iki ildə 1,5 trilyon dollar itiriblər ki, bu da hər bir işçi üçün təxminən bir ay (25 gün) itirilən əmək haqqına bərabərdir".