Kaizen.az - Fərdi İnkişaf Platforması

Kaizen/ Səyahət

Kapadokya və Onu Məhşur Edən Səbəblər

Kapadokya sözü yerli əhalinin dilindən tərcümədə "Dünyanın səkkizinci möcüzəsi" mənasını verir. Bu ərazi Türkiyənin Nevşehir vilayətinə bağlı Ürgüp rayonu ilə Uçhisar-Avanos üçbucağı arasında yerləşən vadilərdə, Ürgüp-Şahinefendi arasındakı bölgədə Nevşehir Çat qəsəbəsi ətrafında, Kayseri Soğanlı vadisində və Ağsaray Selimə kəndi ətrafında yerləşir. Kapadokya xüsusi ilə “Pəri bacaları” ilə tanınır.Onlar ərazidəki 3 vulkanın püskürməsi nəticəsində yaranıb. Sonrakı mərhələdə buradakı torpaqda yumşaq kül qatı yaranmış və onun üstü bazalt təbəqəsi ilə örtülmüşdür. Yağış, mənzərəni dəyişdirən əsas elementlərdən biri olmuşdur. Dəyişiklik və aşınma bu özünəməxsus geoloji formaların yaranmasına gətirib çıxarmışdır. “Pəri bacaları”-nın yaranmasında yalnız yağışın rol oynadığını demək olmaz. Külək də eyni zamanda bu prosesdə geniş miqyasda fəaliyyət göstərən aşındırıcı bir ünsürdür.Tempraturun dəyişməsi isə bacaların müxtəlif rəngə boyanası ilə nəticələnib və onların “papağı yaradıb”. Beləliklə, xüsusi gözəlliyə malik bir mənzərə yaranıb. İstənilən daşın üstündəki təbii oymalara, onun rənginə və quruluşuna baxıb bacanın neçə əsr yaşı olduğunu, bu ərazidə nələr baş verdiyini bilmək mümkündür. Ümumulikdə isə qayanın sərtliyindən asılı olaraq, “Pəri bacaları” uzun və ya qısa ömürlü olurlar.

Hal-hazırda Kapadokya turizm baxımından böyük əhəmiyyətə malikdir. Qayalara oyulmuş ənənəvi evlər bölgənin xüsusiliyini ifadə edir. Həmin evlər XIX əsrdə inşa edilib. Bölgə şərabçılıq və üzümçülük sahəsində də fərqlənir.

Kapadokya öz uçan balon turları ilə də məşhurdur.Bu turlar adətən 3 və ya 3 saat yarım çəkir. Kapadokyanın ən məşhur vadilərindən qırmızı vadi və qızıl çuxur yaxınlığından hər gün orta hesabla 80-100 arası şar havaya qalxır.Həmin şarlarda səyahət xüsusi ilə maraqlı olsa da, əgər yerdən uçan şarları izləmək istəyirsinizsə bunun üçün ən gözəl yer “SUNSET POINT” deyilən gün batan nöqtəsidir.