Kaizen.az - Fərdi İnkişaf Platforması

Kaizen/ Səyahət

Almaniyada turistlərin diqqətini çəkən 5 şəhər

Təxminən 83 milyon əhalisi olan Almaniya, şimaldan Baltik və Şimal dənizləri, cənubdan Alp dağları, Boden gölü və Yuxarı Reynlə əhatə olunmuşdur. Paytaxtı və ən böyük metropolisi Berlin olsa da, ölkənin əsas maliyyə mərkəzi və ən məşğul hava limanı Frankfurtdur. Bəs bu ölkədə turistlərin ən çox baş çəkdiyi şəhərlər hansılardır?

1. Berlin
Bu şəhər Almaniyanın paytaxtı və ən böyük şəhəridir. Berlin də dünyanın bir neçə başqa şəhəri kimi gəncləri, tələbələri və eləcə də bütün turistləri cəlb edir. Bu şəhər dünya şöhrətli universitetlərə, muzeylərə, əyləncə məkanlarına və bir çox idman tədbirlərinə ev sahibliyi edir. Onun Zooloji Bağçası Avropada ən çox ziyarət edilən zooparklardan biridir və bütün dünyada məşhurdur.

2. Münhen
Münhenin ən populyar yerləri orijinal memarlıq üslubu ilə seçilən BMW Muzeyi və Olimpiya Kompleksidir. Old Town-un bir çox alış-veriş küçələrinin başlanğıcı və əksər ekskursiyaların başlanğıcı olan Marienplatz, Münhenin mərkəzi və ən işlək meydanı hesab olunur.
3. Frankfurt
Main çayı üzərində yerləşən Frankfurt Hessen əyalətinin ən böyük şəhəridir. Şəhər futuristik səma xətti və ən işlək Almaniya hava limanı ilə tanınır. Şəhər Avropanın maliyyə paytaxtı və Almaniyanın nəqliyyat mərkəzidir. Avropa Mərkəzi Bankı və Almaniya Fond Birjası Frankfurtda yerləşir. Bundan əlavə, Frankfurt Avtomobil Sərgisi və Frankfurt Kitab Sərgisi kimi dünyanın ən mühüm ticarət sərgilərindən bəzilərinə ev sahibliyi edir.

4. Hamburg
Elba çayı və onun iki qolu, Alster və Bille çayları üzərində yerləşən şəhər Almaniyanın Berlindən sonra ikinci ən böyük şəhəri hesab olunur. Almaniyanın 16 federativ əyalətindən biri olan Hamburq şimaldan Şlezviq-Holşteyn və cənubdan Aşağı Saksoniya ilə əhatə olunub.

5. Köln
Köln şəhəri yerləşdiyi vilayətin ən mühüm nəqliyyat, mədəniyyət, elm, incəsənət, ticarət və əyləncə mərkəzi hesab olunur. O, həm də dəmir yolu və hava nəqliyyatı şəbəkəsinin kəsişmə nöqtəsidir. Şəhərin ortasından Reyn çayı keçir. Çayın hər iki sahili səkkiz körpü ilə birləşir, onlardan ikisi dəmir yolu körpüsüdür.