Axtarış motoru nəhəngi Google yaxın günlərdə rəqiblərinin önünə keçmək üçün bir sıra addımlar atarkən, həm də digər  tərəfdən süni intellekt anlayışını istifadəçilərinə tanıtmaq, praktiki olaraq necə işlədiyini və tətbiq olunduğunu anlatmaq üçün pulsuz kurslar başlatdı.
Google Cloud üzərindən qoşula biləcəyiniz, peşənizdən asılı olmayaraq bitirdiyinizdə kariyeranıza fayda verəcək 7 pulsuz süni intellekt kursunun siyahısını təqdim edirik:
 

Introduction to Generative AI 

Tanıtım videosu linki: https://www.youtube.com/watch?v=G2fqAlgmoPo

Bu kurs Generativ Süni İntellektin nə olduğunu, necə istifadə edildiyini və ənənəvi metodlardan nə ilə fərqləndiyini izah edir.

 

1. Introduction to Large Language Models (LLMs)

Bu kursda böyük dil modellərinin (LLM) nə olduğundan, istifadə edilə biləcəyi hallardan başlanğıc səviyyəsində bəhs olunur.

 

2. Introduction to Responsible AI

Responsible AI-nin nə olduğu, nə üçün vacib olduğu və Google-un öz məhsullarında onu necə tətbiq etdiyini izah edir.

 

3. Introduction to Image Generation

Sizi diffuziya modellərinin arxasında duran nəzəriyyə və onları Vertex AI-də necə öyrətmək və yerləşdirməklə tanış edir.

 

4. Encoder-Decoder Architecture

Enkoder-dekoder arxitekturasının əsas komponentlərini izah edir.

 

5. Attention Mechanism

Diqqət mexanizması - maşın tərcüməsi, mətnin ümumiləşdirilməsi və suala cavab kimi müxtəlif maşın öyrənmə tapşırıqlarının performansını yaxşılaşdırmaq üçün necə istifadə oluna biləcəyini öyrədir.

 

6. Transformer Models and BERT Model

Transformator arxitekturasının əsas komponentlərini və onun BERT modelini qurmaq üçün necə istifadə olunduğunu izah edir.

 

7. Create Image Captioning Models

Dərin öyrənmə üsulundan istifadə edərək şəkil yazısı modeli yaratmağı öyrədir.

 

Qeyd olunan kurslar süni intellekt sahəsində özünü təkmilləşdirmək və iş həyatında rəqabət üstünlüyü qazanmaq istəyən hər kəs üçün əla fürsətdir. Tələbə, işçi və ya sahibkar – statusunuz və peşənizdən asılı olmayaraq bu kurslar sizə süni intellekt haqqında əsas və yenilikçi özəlliklər təklif edir.

Kursların ən əlverişli tərəfi isə qoşulmaq üçün əlavə hər hansı spesifik tələbin, proqramlaşdırma bacarıqlarının zəruri olmaması və pulsuz olmasıdır ki, bu da onu bütün istifadəçilər üçün əlçatan edir.

 

Kurslara necə qoşulmaq olar?

https://www.cloudskillsboost.google/journeys/118

 

Bu kurslar ödənişsizdir və hər kəs qoşula bilər. Kurslara başlamaq üçün Google hesabınızla yuxarıdaki linkə daxil olmaq kifayətdir. İstədiyiniz zaman və istədiyiniz yerdə kursları izləyə bilərsiniz. Kursları bitirdikdən sonra sertifikat da ala bilərsiniz.

 

Nəticə olaraq bu kursları tamamladığınız zaman süni intellekt ilə əlaqəli ilkin anlayış və əsas terminləri öyrənəcək, süni intellekt modellərinin necə yaradıldığı və öyrədildiyi və süni intellektin tətbiqi ilə bağlı real nümunələr ilə tanış olacaqsınız.

 

Daha ətraflı məlumat üçün: https://cloud.google.com/blog/topics/training-certifications/new-google-cloud-generative-ai-training-resources