Kaizen.az - Fərdi İnkişaf Platforması

Kaizen/

Rəqəmsal Dövrdə Kibertəhlükəsizlik

Getdikcə rəqəmsallaşan dövrümüzdə kibertəhlükəsizlik milli təhlükəsizlik, biznesin ayaqda qalması və şəxsi məxfilik məsələsinə çevrilib. Daha çox biznes və fərdi rəqəmsal platformalara keçdikcə kiberhücum riskləri artıb. Kibertəhlükəsizlik barədə tədqiqatlar və hesabatlar təqdim edən “Cybersecurity Ventures Report”-a görə, proqnozlaşdırılır ki, kibercinayətkarlıq 2025-ci ilə qədər qlobal iqtisadiyyata hər il 10,5 trilyon dollara başa gələcək, bu da güclü təhlükəsizlik tədbirləri görməyə təcili ehtiyac olduğunu vurğulayır. Buna görə də rəqəmsal əsrdə yaşadıqca, kibertəhlükəsizliyin əhəmiyyətini anlamaq təkcə şəxsi məlumatları deyil, həm də əlaqəli dünyamızı qorumaq üçün vacibdir. İndi isə, kiberhücumlardan özümüzü sığortalamaq üçün bir sıra ipuclarına nəzər salaq:

Ø Güclü və unikal parollardan istifadə etmək: Xüsusilə e-poçt hesabınız üçün güclü və unikal paroldan istifadə etmək çox vacibdir, çünki o, bir çox digər xidmətlərə giriş qapısı kimi çıxış edir. Əlavə qorunma üçün bank və sosial media kimi bütün kritik hesablar üçün unikal parollardan istifadə edin.

Ø Ən son proqram təminatı və proqram yeniləmələrini quraşdırın: Cihazlarınızı və hesablarınızı kiber təhdidlərdən qorumaq üçün təhlükəsizlik yeniləmələrini dərhal tətbiq etmək vacibdir. Çünki onlar cihazınızı zərərli proqramlardan qoruyur və yeni funksiyalar təklif edir. Nəzərə alın ki, köhnə cihazlar nəhayət yeniləmələri qəbul etməyi dayandıra bilər.

Ø 2-addımlı doğrulamanın (2SV) aktivləşdirilməsi onlayn hesablarınızı qorumağın ən təsirli yollarından biridir. O, yalnız parolunuzu deyil, həm də PIN, barmaq izi və ya üz skanı kimi ikinci yoxlama addımı tələb edən əlavə qorunma qatı əlavə edir. Bu, kibercinayətkarların parolunuzu bilsələr belə, hesablarınıza daxil olmasını çətinləşdirir. Quraşdırmaq bir neçə dəqiqə çəksə də, təhlükəsizliyinizi əhəmiyyətli dərəcədə artırır.

Ø Məlumatlarınızın ehtiyat nüsxəsini çıxarmaq cihazın itirilməsi, oğurlanması, zədələnməsi, təsadüfən silinməsi və ya zərərli proqram hücumları kimi vəziyyətlərdən qorunmaq üçün vacibdir. Mümkünsə, medianın itirilməsi və ya oğurlanması halında icazəsiz girişin qarşısını almaq üçün ehtiyat nüsxələrinizi parolla qoruyun.

Ø Güclü və yaddaqalan parol yaratmaq üçün üç təsadüfi sözü birləşdirən texnikadan istifadə edə bilərsiniz. Bu üsul parolunuzun uzun və mürəkkəb olmasını təmin edir, lakin yadda saxlamağınız da asan olur. Təsadüfi simvollarla həddindən artıq mürəkkəb parollardan çəkinin, çünki onları xatırlamaq çətindir. Bundan əlavə, kibercinayətkarlar onları asanlıqla təxmin edə bildiyi üçün ümumi parollardan, əlamətdar tarixlərdən istifadədən çəkinin.

Yazar

İstifadəçi adı:
Fidan
Ad Soyad:
Fidan Mammadova
Məqalə sayı:
1

Əlaqəli məqalələr

Aqronomiya Robotları

04.05.2023

Texnologiya

Texnologiyanın durmadan inkişaf etdiyi müasir dövr yenilikləri aqronomiyadan da yan keçməyib. Bu gün sizlərlə aqronomiyada istifadə olunan bir-birindən fərqli və yararlı robotlarla tanış olacağıq.

Texnoloji İnkişafların İnsan Davranışlarına və Sosial Mediaya Təsiri

28.10.2021

Texnologiya

Texnologiyanın inkişafı ilə insanların texnologiya ilə qarşılıqlı əlaqəsində fərqliliklər yaratdı. Keçmişdə çox evdə kompüter, telefon və planşet, hətta televizor belə yox idi.

Metaverse: Yeni Virtual Dünya

19.11.2021

Texnologiya

Bildiyiniz kimi, bu yaxınlarda Facebook-un qurucusu və baş direktoru Mark Zukerberq ,Facebook adının şirkətin gələcəyini adekvat şəkildə təsvir etmədiyini və ad dəyişikliyini təsdiqlədi və “Metaverse”haqqında bəzi məlumatlar verdi.İnsanlarda “Metaverse” nədir? ,Hansı xüsusiyyətlələrə malikdir? və s kimi suallar yarandı.Gəlin bu suallara cavab tapmağa çalışaq.